＜2020狗股＞「狗股」策略風險較低自製聖誕禮物有方法

邊日新聞先：2019.12.25 (星期三)

邊類：狗股
來源：LINE TODAY 原文連結👈👈👈👈

－－－

「狗股」策略風險較低　自製聖誕禮物有方法

LINE Today Anna　發布時間 2019年12月25日12:00




兔兔：又到聖誕，又到聖誕！熊大你作為理財達人，有冇咩投資方法可以幫我自製聖誕禮物？

熊大：投資涉及風險喎，所有投資都一定唔會穩賺㗎。

兔兔：提高勝算都好呀！新一年就到了，我想趁機會整理一吓自己個投資組合，熊大你有冇咩建議呀？

熊大：兔兔，你有冇聽過狗股理論（Dogs of the Dow Theory）？

兔兔：吓，狗股？即係隻股好狗？

熊大：哈哈，狗股理論（Dogs of the Dow）的說法本身套用喺美國道瓊斯指數身上，由美國著名基金經理歐希金斯（Michael O’Higgins）提出，建議投資者每年從道指成分股中搵出10隻股息率最高的股票，喺近年底或新一年年頭的時間買入，嚟緊一年就有機會追落後。

兔兔：但我都唔投資美股，呢個說法都可套用喺港股身上？

熊大：哈哈！其實個原理都係一樣，主要針對指數成份股。因為這些公司的業務比較有規模，股價走勢都比較穩陣，即使過去一年股價嚴重跑輸個市，嚟緊一年都有機會追落後。因為股價愈殘，股息率就會愈高。即使嚟緊一年股價冇點升，但係有高股息收，亦降低到其投資風險。

兔兔：咁其實投資「狗股」，防守性都好高吓喎。

熊大：係㗎！所以每逢年尾，呢批「狗股」就會開始受到市場的資金關注。加上近日大市氣氛轉好，短炒一轉「狗股」，值博率算高。

熊大繼續說：不過要留意，「狗股」策略都唔係百戰百勝，運用呢個策略時，最好以組合形式。即係買多幾隻唔同行業的股份去分散風險，準繩度會更加高。同埋唔好忽略間公司派息的持續性，即係有機會今年派息，出年唔派（不過通常藍籌股每年都係穩定派息）；又或係因為一次性或特別股息的原因而令果一年的息率特別吸引。

兔兔：而家市場上有邊幾隻「狗股」係抵買㗎？

熊大：截至上星期五（20日）收市，年初至今跌幅最大的5隻藍籌股分別係中石油（857.HK）、中石化（386.HK）、中信股份（267.HK）、中移動（941.HK）、信和置業（83.HK）。呢批股份現價股息率都有逾4厘，大家不妨放長雙眼睇下佢地2020年會唔會跑出。

結果，兔兔就靜靜雞動用了同熊大聯名戶口的錢，買入十隻今年最落後而股息率有逾4厘的恒指成分股，嘗試幫佢自己自製聖誕禮物。