＜專欄講405> 笨笨地買大股收息

邊日新聞先：2017.06.05 （兩個月之前架喇，慢慢補返開站之前的學習用，而又不太受時間影響嘅剪報）
咩股：405 越秀房地產
咩料：股評人講故事，死過或怕死嘅都要揸返D股票，可考慮安全之選405同2800
咩價：唔關事
今日周息率*：唔關事
除淨日：唔關事
一句講晒：如果係長線之選，兩個月之前嘅新聞應該都仲係可以參考掛？
邊個講嘅先：股評人陸羽仁
即係點丫：睇下無壞，405之前升好多，又食息又起飛，數字係好驚人👀
新聞來源：頭條Blog　原文連結👈

－－－

笨笨地買大股收息

2017/06/05 08:44:05　網誌分類: 經濟


美國上週五公佈的5月非農就業增長，意外地只有13.8萬個，遠差過市場預期的18.5萬，5月平均時薪只增長0.2%，增幅與上月一樣，年化只有2.5%，亦差過預期。失業率就繼續下降，由上月的4.4%跌至4.3%。

不過，非農就業數據不理想的壞消息未有影響市場投資氣氛，美股三大指數齊齊創出歷史新高，杜指收升62點，報21206點；標準普爾500指數升9點，收報2439點；納指明顯跑贏大市，升59點，收報6306點。總結上周，杜指升0.6%；標普500指數升1%；納指升超過1.5%。標普11個板塊中，科技股一直領先，今年升幅高達21.3%；表現最差的是能源股和電訊股，今年以來分別累跌14%和9.6%！科技股得，能源股唔得，又是「打臉特朗普」的交易。

最近收到網友「火柴」的提問，值得講講。他說，「我呢10年來的投資簡直就係失敗. 無論投資定投機, 我呢11年嘅總回報係0%。…試過投機, 試過供股, 試過買ETF. 每次都係贏啲輸啲, 有時會好彩買中一隻股升50%, 不過只要下一次買股嘅timing唔啱, 基本上所有利潤消失甚至倒貼。（好似兩年前A股升上5000點, 跌到3800點撲入去博反彈, 最後坐艇） 而家對自己買股嘅信心好細, 大部份時間都揸住8成現金以上。」他又話現時住在紐約, 想買樓。「依家紐約啲樓好貴, 早兩年身邊嘅朋友都買樓, 自己都係心大心細, 近一兩年樓價越升, 個心就越寒. 身邊嘅人個個都話樓價無得跌. 自己揸住嘅現金就好似越嚟越唔值錢. 好矛盾好無助。」

看完火柴的問題，我都覺得有點唏噓。一般散戶都想捕捉股市波動，想低買高沽。但很多時候卻是低買高沽，運氣好的，贏一隻，輸一隻，最後打個和。運氣不好的，遇上市道呆滯的，就好易輸，我經常說，買股要一年10%回報不是易事。

但火柴說過去11年的累積回報等於零，現時持有八成現金，又的確差了一點。我建議他可以等大市今年下半年出現顯著回落的時候，買入一些高息股長揸，把每年收到的利息加注，得到的回報會比揸住現金好。這就是巴菲特話買股好過揸要現的原理。

最簡單是低買盈富基，點講一年都派番3厘息。若想買股，以我經常講的越秀房地產（405）為例，現時一年派7厘息，以前派息少些，也有5厘。設想一下，如果火柴過去11年揸住一隻年息5厘的股份，又把收到利息投入這隻股份，累計應該有71%的回報，即是說，當年投入10萬元，現在已經有17.1萬元，期間不用做什麼動作，只買不沽，把收到的利息加注就可以有這個效果。火柴的投資賺不到錢，有點洩氣，但我總覺得揸住有比較高利息回報的股票，會好過揸現金。

散戶投資出出入入，很多時都會做錯，特別去買熱門股，從美圖到科通蕊城，都曾熱炒，結果大插。所以，不買比較貴的資產，是其中一個減少錯誤的做法。或許內地A股在5000點跌到3800點，火炭覺得很平宜，急急撲入。但急升的資產剛開始下跌時，通常都不會很快跌完，跌完第一浪，還有第二浪，所以不能太急於入市。

另外，火柴幾年前沒有買樓，我建議現在更加不要買了。因為無論是香港或者紐約的樓市，都有點狂態。現在買，風險很高。

現時環球資產市場都受到歐美日央行長期放水的推動。錢多，資產少，就容易炒起。要注意的是自2008年金融海嘯到現在，已經炒了9年，對一個炒作週期而言，講其實已經相當長。當見到樓價及某些股份越升越癲，我都開始有些驚慌。既然忍了那麼久，不妨繼續再忍忍，做些簡單動作，等下半年真有較像樣的跌市時，買一點收息股吧。買大股收息雖然笨笨地，但比較易執行，不用考眼光。


陸羽仁