＜保守＞性格細膽買股票一跌即心慌慌！想穩陣收息但驚賺息蝕價變煤氣｜龔成教室

 



邊日新聞先：2022.06.26 (星期日)
邊類： 就睇黃色左果一句
來源：HKBT　原文連結👈👈👈👈

－－－

理財個案｜性格細膽買股票一跌即心慌慌！想穩陣收息但驚賺息蝕價變煤氣｜龔成教室

2022.06.26 by 龔成

圖片: 資料庫

【理財個案】讀者自認性格細膽，買股票每次跌一跌都即會心慌慌！雖然明白投資有風險，想穩陣收息，但驚賺息蝕價變煤氣，想龔成老師推薦3-5隻穩陣收息股。

理財個案（1）讀者來信：性格細膽買股票一跌即心慌

龔sir，首先多謝您嘅解答，唔好意思，呢2日較忙。宜家得閒慢慢回覆。我想再問多一題延伸題，可能我性格問題，比較細膽，之前買/炒股，跌一跌都搞到自己心慌慌，搞到個人成日都心情幾沉重。

想穩陣收息但驚賺息蝕價變煤氣

我唔想再咁落去，先決定乖乖地買收息股。但我都知無論買咩投資產品都會有風險，我希望就係儘量減到最低。所以個延伸問題就係：如果我真係打算買2-3隻收息股，同時希望價格穩定，不希望太波動（因為始終都會驚，我如果之前買了煤氣，應該會驚死。）

望推薦3-5隻穩陣收息股

此外，唔會貪心佢派高息，係想長遠尼講（10-20年以上，唔會太可能賺息蝕價。有冇邊3-5隻，龔sir您係最推薦而適合我？定還是，您上面所講，已經都好好？可以從中選擇。

任何股票都有機會不幸變煤氣嗎？

題外話：換個說法，其實我可唔可以咁講，就算呢一刻，有部分收息股符合我嘅要求，但係咪不排除幾年後，都有機會不幸變成早前（0003.HK）跌咁多？

理財個案（1）龔成老師分析︰投資有風險 有「可控、不可控」

我覺得你是一個比較保守的人。坦白講，投資點都會有風險，就算再穏陣架收息股，都會有波動。你要想清楚，自己到底心態上，是否準備好投資。投資有風險，有些風險「可控」，而有些風險是「不可控」的，我地只能做到將可控的部分減到最低。

優質收息股有兩大特點

一隻優質的收息股，有兩大特點：「派息穩定」+「業務穩定」。派息是否穩定，可以從過往的紀錄睇到。至於業務就需要你久不久檢視，如果業務質素有轉變，就有可能變成不是優質的收息股。

煤氣是「平穩增值股」

煤氣（0003.HK）嚴格來講不是一隻收息股，雖然業務屬於公用事業，但佢在中國仍然有發展，所以嚴格來講，算是「平穩增值股」。佢取消派紅股，有可能反映管理層認為，企業往後的增長減慢，會對企業有少少不利，但長遠仍有發展。

建議先自行了解企業業務

我之前比你的收息股名單，都是相對穩定的，你可以從中選3-5隻。當然，我同時都建議你可以先自行了解企業所做的業務，投資的時候就會更有信心。

企業會隨時間改變

的確，因爲企業會隨時間改變，你好難期望一間公司20年後同20年前係一模一樣的。所以最重要是定期檢視，睇翻上述兩個特點有無變又或者當初你買入佢地的理由是否存在。

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。

原文網址: 理財個案｜性格細膽買股票一跌心慌！想穩陣收息但驚賺息蝕價 | 香港財經時報HKBT https://www.businesstimes.com.hk/articles/139659/