<1398>工商銀行趁低吸納| ICBC



邊日新聞先:2020.6.19  (星期五)
咩股:工行(1398)| ICBC
主要投資或發展地區:中國
咩價*:HKD 5.18 [2020.06.19收市]
今日周息率*: 5.541%[2020.06.19收市]
除淨日: NA
來源:ON.CC 原文連結👈👈👈👈
*數字參考經濟通

---

【專家點評】古勝:工商銀行趁低吸納

06月19日(五) 08:30

過去三日,恒指好似中咗定身咒咁,一路夾住喺10天及20天線之間;放大啲嚟睇,沿今年初的高位及3月份的低位分別畫出降軌及升軌,交匯處正是目前恒指所在的橫行區,等爆邊的格局相當明顯。至於係爆上定爆落,相信好多缸邊友都想知。

但係,冇人有水晶球,百分百正確的判斷自然無從說起。基於以下三個原因,老古睇法相對悲觀。其一,自然係地緣政治因素,局勢好似隨時會爆的炸彈。同時亦牽引香港自身的政治因素,或引起外資、港人的沽貨潮。最後則是內地、環球的經濟仍然不容樂觀。因此,就算短線爆上,中線向下調整的機會大於一切。既然係咁,建議仍然睇好者在追逐短線回報的同時,要戴定頭盔、切忌瞓身;睇淡亦要慎防短線畀人挾爆,不如坐定定,等出現跌市信號再出手追沽。

個股方面,防守性相對高的內銀股,可以考慮趁低吸納。雖然環球經濟不景,對百業之母同樣有打擊,不過內銀股作為國家企業,仍然不失為穩陣的收息之選,尤其係目前股價相對低殘,向下的空間有限。

以工商銀行(01398)為例,昨收報5.11元,股價貼近3年低位,過去三個月股價大致於4.9元至5.2元之間徘徊。料短線仍有機會向下調整,建議於5元邊分注入市,中長線望5.5元,向下跌穿關鍵大位4.8元止蝕。

東網財經專欄作者 古勝
<1398>工商銀行趁低吸納| ICBC <1398>工商銀行趁低吸納| ICBC Reviewed by T1 on 6/21/2020 03:00:00 下午 Rating: 5

1 則留言:

By Tracy Li. 由 Blogger 提供.