＜1＞超人一號夠硬淨，防守力一百分！

邊日新聞先：2018.8.3 (星期五)
咩股：長和00001 | CK Hutchison
邊類： 綜合企業
主要投資或發展地區：香港、英國
咩價*：HKD 84.00 [2018.8.3收市]
今日周息率*:3.500% [2018.8.3收市]
除淨日：03/09/2018
來源：經濟通　原文連結👈👈👈👈
*數字參考經濟通

－－－

03/08/2018 11:58

《魚缸博客》超人一號（００００１）夠硬淨，防守力一百分！

《魚缸博客》魚缸噚日（２日）大插６２６點，股王ＱＱ（００７００）跌到去接近３４０銀關口，已經非常超賣。另一邊廂人仔係咁插，大市想好都難，所以魚缸暫時繼續弱勢，缸友呢個市況都係買返Ｄ非科網類實業股會比較具防守力。

　　業務遍布全球嘅超人一號（００００１）噚日收市後公布業績，中期賺１８０億按年升１３巴仙，中期息０﹒８７銀，按年增加近１２巴仙。公司增長主要由於新增嘅基建業務收購，同埋赫斯基能源、零售部門財政表現改善。公司中期零售ＥＢＩＴ按年升１４巴仙，港口服務ＥＢＩＴＤＡ亦升９巴仙。雖然全球大打貿易戰，話唔定會為公司貨運碼頭業務做成影響，但好在公司業務夠多元化，風險得到分散。公司歐洲３集團繼續呈報ＥＢＩＴＤＡ毛利率穩健增長至４２巴仙，其增持Ｗｉｎｄ　Ｔｒｅ合資企業權益，下半年可以帶來新增盈利，抵銷貿易戰影響。
　　

　　霍建寧喺會議上指出，話公司上半年每股派息錄得２０年以來首次雙位數字增長，表現唔錯，希望末期股息表現可望振奮。瑞信、摩通亦為超人一號護航，分別畀「跑贏大市」同「增持」評級，前者他屐１３１銀，後者他屐１２９銀，為缸友派咗粒定心丸呀！
　　

　　公司近日喺８３蚊附近上落，畀咗好多機會缸友入貨，希望同超人一號共渡人生嘅缸友可以分注上車，坐享公司長遠帶來嘅價值啦！
　　
　　《編者按》本欄搜羅即市傳聞，惟消息未經證實，《經濟通》亦不保證內容之準確性。