邊日新聞先：2017.10.16(星期一)
咩料：🐘 的新老闆出場
咩股：滙控（005）
- 邊類：金融／藍籌／收息／香港人至愛
- 主要投資或發展地區：香港、東南亞、歐洲
咩價*：77.15[2017.10.17收市]
今日周息率*:5.156%[2017.10.17收市]
除淨日：NA
邊個講嘅先：股評人陸羽仁
一句講晒：
*數字參考經濟通
－－－
滙控（005）上個星期宣佈新行政總裁人選，由集團內部提升嘅范寧接替歐智華嘅職務。消息公佈後滙控股份無驚無喜，收報77.05元，微跌0.2元。滙控主席同行政總裁係一年內相繼換人，未來滙控大方向究竟點走，相信係股東最關心嘅一件事。
歐智華做總裁，可以話生於亂世，佢係七年前獲委任做行政總裁，2011年頭正式上任，當時啱啱美國爆完金融海嘯，美國聯儲局用直升機掟銀紙，令銀行股大幅反彈，滙控股價上番去80元。不過，大笨象嘅噩夢無因此完結，反而因為歐洲再爆歐債危機，股價再度回落，最差係2016年6月時，跌過落去47元以下水平，股東真係相當慘情。佢任內基本上主要係收拾爛攤子，先係要應付美國次按危機爆破，集團係美國嘅按揭業務損手爛腳，跟住輪到歐洲出事，佢又係咁大劈當地業務。為了增加股本，仲要出售海外嘅生意，經過一路固本培元，加上西方經濟去年開始全面穩定下來，令佢有資源可以回購，將股價推番接近佢上任時嘅水平。而家距離佢交棒仲有幾個月時間，如果好運嘅話，佢就可以做到股價有進帳下退場，算係體面下台。
歐智華做總裁做得咁辛苦，都未必係好關佢嘅事，因為前人種果後人收。大笨象係八十年代開始進軍海外，開始時順風順水，直至十幾年前西方金融泡沫爆破，就開始出事。佢上台後基本上就係西方金融市場動盪時期，加上監管機構大力勒緊銀行做生意嘅日子。滙控股價呢一年回勇，除咗係因為跨國銀行股價係過去一年表現好番，多少都因為歐智華大力出售資產，套現之餘減低係亞洲以外嘅生意。有滙控高層最近同陸羽仁傾偈，先大歎生意難做，話美歐嘅監管機構將警察嘅工作畀咗銀行做，要佢哋畀埋成本，有乜失閃就罰到抽筋。好似上周末，花旗、德意志銀行和滙控已同意支付合共1.32億美元（約10.3億港元），就期貨交易員提出的集體訴訟達成和解。期貨交易員指控上述銀行操縱倫敦銀行同業拆息（Libor）。對於罰款了事，滙控發言人仲要話，很高興問題得到解決。
西方做銀行難做，所以滙控嘅最賺錢嘅生意都係亞洲。睇番佢揸六成幾嘅恒生（011），係同期起步點係133元，到上周末收191.2元，係年初已經創咗歷史新高，同期升幅有50%，唔止跑贏阿媽，同時跑贏咗恒生指數23%嘅升幅。聽滙控高層嘅語氣，未來全球嘅中產，有三分二會集中係亞洲，加埋而家嘅主席杜嘉祺未過檔前係友邦主政都係集中做亞洲區生意，相信未來滙控好可能會行番重亞輕歐美嘅策略。
滙控兜兜轉轉多年，有啲長情股東都感到有啲失望，當佢係47元低位反彈，有啲人就跳車，而家新舊大班交替，前景又會點呢？對於呢啲已經坐咗貨嘅股東嚟講，而家最簡單嘅策略，可能係一動不如一靜。從第一個因素嚟講，美歐金融市場衰咗幾年後，而家都仲算係谷底回升，美國好有機會係年底加息，咁對銀行嘅息差會有好處，呢啲趨勢運行起嚟，通常都會維持一段時間，唔會咁快就改變。再者，係滙控好搵錢嘅香港，暫時睇嚟都仲會係景氣下運行，啱啱公佈嘅《施政報告》話要請多啲公務員，肯定會推升薪金，刺激內需，短期必然會撐住經濟，咁滙控最賺錢嘅市場，生意已經有相當保證。
咁滙控係乜無得衰呢？如果要留心嘅話，當然要驚個市升得高可能會調整啦，又或者美國持續加息，美元轉強，資金再流出新興市場，佢自然都會中招，否則咪揸住佢收住5厘息先囉。
市場觀望十九大召開，港股缺乏方向，以全周計，恒指累積上升18點；國指累積漲60點。恒指上周收報28476點；國指收報11519。美股周五上升，杜指收市報22871點，升30點。納斯達克指數收市報6605點，升14點。標普500指數收市報2553點，升2.點。
騰訊（700）曾創新高，集團分拆上市嘅全國最大網絡文學平台閱文集團，通過咗上市聆訊，最快呢個展開上市前推介，有望本月內招股。閱文集團集資額介乎6億至8億美元（約46.8億至62.4億元），美銀美林、瑞信及摩根士丹利為聯席保薦人。有咗眾安保險（6060）上市爆上嘅經驗，閱文分拆相信都會吸引到投資者捧場。若以佢拆出嚟嘅價值，相對市以萬億市值計嘅騰訊只係好細嘅生意，理論上對股價無乜刺激，借勢炒作就另計。
早排天氣熱得嚟幾晴朗，都適宜出吓戶外活動，上周初陸羽仁同中環茶友就去咗個叫新藝潮嘅展覽，跟住仲係舉辦展覽嘅元創坊（PMQ）度食埋晚飯。
香港近十年做藝術好似都搵到吓食，尤其每年三月都有好多藝拍，反而呢個時間就少啲呢類活動，呢次活動原來係1O1O，以及法國水晶品牌LALIQUE做主要贊助商，茶友係LALIQUE嘅粉絲，離遠一早就認得佢嘅展位。佢係會場仲見到本地大師何百里，心想佢都成名好耐啦，點會仲參加呢啲新人組，傾起先知原來係佢公子何紀嵐參加今次展出。ERIC修讀視覺藝術，同時取得設計管理碩士，趁今次曝吓光。
呢次展覽所在嘅元創坊，前身係警察宿舍，活化做咗創意設計嘅基地，但過去聽得多啲反而係富二代鍾意係呢度搞餐廳，慢慢仲有唔少人係佢周圍搞食肆。聽聞呢度採取商業營運嘅模式，要開舖或者搞嘢租金都唔平，所以有啲本土設計師都哦哦聲。雖然係咁，聽聞啟用以來都要蝕錢，直至最近先至啱啱打平，所以話係香港唔搞地產，做其他嘢真係唔易為到皮。
陸羽仁
今日周息率*:5.156%[2017.10.17收市]
除淨日：NA
邊個講嘅先：股評人陸羽仁
一句講晒：
- 👀 🐘
*數字參考經濟通
－－－
陸羽仁周記——坐住滙控等換班
陸羽仁周記 - 陸羽仁 2017-10-16 列印 文字大小滙控（005）上個星期宣佈新行政總裁人選，由集團內部提升嘅范寧接替歐智華嘅職務。消息公佈後滙控股份無驚無喜，收報77.05元，微跌0.2元。滙控主席同行政總裁係一年內相繼換人，未來滙控大方向究竟點走，相信係股東最關心嘅一件事。
歐智華做七年股價無進帳
歐智華做總裁，可以話生於亂世，佢係七年前獲委任做行政總裁，2011年頭正式上任，當時啱啱美國爆完金融海嘯，美國聯儲局用直升機掟銀紙，令銀行股大幅反彈，滙控股價上番去80元。不過，大笨象嘅噩夢無因此完結，反而因為歐洲再爆歐債危機，股價再度回落，最差係2016年6月時，跌過落去47元以下水平，股東真係相當慘情。佢任內基本上主要係收拾爛攤子，先係要應付美國次按危機爆破，集團係美國嘅按揭業務損手爛腳，跟住輪到歐洲出事，佢又係咁大劈當地業務。為了增加股本，仲要出售海外嘅生意，經過一路固本培元，加上西方經濟去年開始全面穩定下來，令佢有資源可以回購，將股價推番接近佢上任時嘅水平。而家距離佢交棒仲有幾個月時間，如果好運嘅話，佢就可以做到股價有進帳下退場，算係體面下台。
歐智華做總裁做得咁辛苦，都未必係好關佢嘅事，因為前人種果後人收。大笨象係八十年代開始進軍海外，開始時順風順水，直至十幾年前西方金融泡沫爆破，就開始出事。佢上台後基本上就係西方金融市場動盪時期，加上監管機構大力勒緊銀行做生意嘅日子。滙控股價呢一年回勇，除咗係因為跨國銀行股價係過去一年表現好番，多少都因為歐智華大力出售資產，套現之餘減低係亞洲以外嘅生意。有滙控高層最近同陸羽仁傾偈，先大歎生意難做，話美歐嘅監管機構將警察嘅工作畀咗銀行做，要佢哋畀埋成本，有乜失閃就罰到抽筋。好似上周末，花旗、德意志銀行和滙控已同意支付合共1.32億美元（約10.3億港元），就期貨交易員提出的集體訴訟達成和解。期貨交易員指控上述銀行操縱倫敦銀行同業拆息（Libor）。對於罰款了事，滙控發言人仲要話，很高興問題得到解決。
西方做銀行難做，所以滙控嘅最賺錢嘅生意都係亞洲。睇番佢揸六成幾嘅恒生（011），係同期起步點係133元，到上周末收191.2元，係年初已經創咗歷史新高，同期升幅有50%，唔止跑贏阿媽，同時跑贏咗恒生指數23%嘅升幅。聽滙控高層嘅語氣，未來全球嘅中產，有三分二會集中係亞洲，加埋而家嘅主席杜嘉祺未過檔前係友邦主政都係集中做亞洲區生意，相信未來滙控好可能會行番重亞輕歐美嘅策略。
大股轉勢唔會咁快停
滙控兜兜轉轉多年，有啲長情股東都感到有啲失望，當佢係47元低位反彈，有啲人就跳車，而家新舊大班交替，前景又會點呢？對於呢啲已經坐咗貨嘅股東嚟講，而家最簡單嘅策略，可能係一動不如一靜。從第一個因素嚟講，美歐金融市場衰咗幾年後，而家都仲算係谷底回升，美國好有機會係年底加息，咁對銀行嘅息差會有好處，呢啲趨勢運行起嚟，通常都會維持一段時間，唔會咁快就改變。再者，係滙控好搵錢嘅香港，暫時睇嚟都仲會係景氣下運行，啱啱公佈嘅《施政報告》話要請多啲公務員，肯定會推升薪金，刺激內需，短期必然會撐住經濟，咁滙控最賺錢嘅市場，生意已經有相當保證。
咁滙控係乜無得衰呢？如果要留心嘅話，當然要驚個市升得高可能會調整啦，又或者美國持續加息，美元轉強，資金再流出新興市場，佢自然都會中招，否則咪揸住佢收住5厘息先囉。
閱文分拆會有捧場客
市場觀望十九大召開，港股缺乏方向，以全周計，恒指累積上升18點；國指累積漲60點。恒指上周收報28476點；國指收報11519。美股周五上升，杜指收市報22871點，升30點。納斯達克指數收市報6605點，升14點。標普500指數收市報2553點，升2.點。
騰訊（700）曾創新高，集團分拆上市嘅全國最大網絡文學平台閱文集團，通過咗上市聆訊，最快呢個展開上市前推介，有望本月內招股。閱文集團集資額介乎6億至8億美元（約46.8億至62.4億元），美銀美林、瑞信及摩根士丹利為聯席保薦人。有咗眾安保險（6060）上市爆上嘅經驗，閱文分拆相信都會吸引到投資者捧場。若以佢拆出嚟嘅價值，相對市以萬億市值計嘅騰訊只係好細嘅生意，理論上對股價無乜刺激，借勢炒作就另計。
唔做地產做藝創 PMQ唔易捱皮費
早排天氣熱得嚟幾晴朗，都適宜出吓戶外活動，上周初陸羽仁同中環茶友就去咗個叫新藝潮嘅展覽，跟住仲係舉辦展覽嘅元創坊（PMQ）度食埋晚飯。
香港近十年做藝術好似都搵到吓食，尤其每年三月都有好多藝拍，反而呢個時間就少啲呢類活動，呢次活動原來係1O1O，以及法國水晶品牌LALIQUE做主要贊助商，茶友係LALIQUE嘅粉絲，離遠一早就認得佢嘅展位。佢係會場仲見到本地大師何百里，心想佢都成名好耐啦，點會仲參加呢啲新人組，傾起先知原來係佢公子何紀嵐參加今次展出。ERIC修讀視覺藝術，同時取得設計管理碩士，趁今次曝吓光。
富二代餐廳多
呢次展覽所在嘅元創坊，前身係警察宿舍，活化做咗創意設計嘅基地，但過去聽得多啲反而係富二代鍾意係呢度搞餐廳，慢慢仲有唔少人係佢周圍搞食肆。聽聞呢度採取商業營運嘅模式，要開舖或者搞嘢租金都唔平，所以有啲本土設計師都哦哦聲。雖然係咁，聽聞啟用以來都要蝕錢，直至最近先至啱啱打平，所以話係香港唔搞地產，做其他嘢真係唔易為到皮。
陸羽仁
＜5＞坐住滙控等換班
Reviewed by T1
on
10/17/2017 11:38:00 下午
Rating:
Reviewed by T1
on
10/17/2017 11:38:00 下午
Rating:
沒有留言: